Scríofa ag Niamh Ní Mhaonaigh & Niamh Ní Dhúghaill R6A

Ar an 28ú Samhain, shroich daltaí rang a 6 cúig phointe is seachtó don Ghaeilge. Le ceiliúradh a dhéanamh, rinne na páistí píotsa ar scoil. Bhí na cómhábhair leagtha amach ar na boird; bonn píotsa, cáis, anlann trátaí, pepperoni, liamhás, anann, agus arbhar milis. Bhí an boladh cosúil le Dominoes! Bhí ionadh an domhain orthu nuair a chonaic siad é.

Rinne na páistí na píotsaí i mbeirteanna. Nuair a bhí na píotsaí réidh don oighean, chuir na páistí na píotsaí ar thráidire agus chuir an múinteoir iad san oighean ar feadh 8 nóiméad. Bhí boladh píotsa i ngach áit sa scoil.

Thóg na páistí na píotsaí suas go dtí na seomraí ranga agus bhí boladh álainn ann. Ghearr an múinteoir iad suas i slisíní. Bhí na páistí ar mhuin na muice! Rinne siad píotsaí do na múinteoirí chomh maith.  Bhí gach duine sona sásta agus chuaigh na páistí abhaile gan aon obair bhaile!