Blog

Mar is eol daoibh, foilsíodh torthaí an tSuribhé Bunscoile i Mí Meitheamh agus roinneadh libh iad ag an am. Tá Bord Bainistíochta anois ag lorg roinnt aiseolas maidir le bhur dtuairimí ar na torthaí sin. *Tabhair le fios nach deis eile vótála é seo - fanann na torthaí mar atá. Bheadh muid fíor bhuíoch dá bhféadfadh sibh an foirm gearr seo  a líonadh le bhur dtuairimí/aiseolas a roinnt linn. (níl ach 4 cheist gearr i gceist).  Táimid ag glacadh le aiseolas go dtí 5:00in ar  Aoine 2ú Deireadh Fómhair. Tá na torthaí iniata leis seo ionas gur féidir libh súil a chaitheamh orthu. Aiseolas/Feedback Suirbhé Bunscoile - Torthaí Scoile-Shonracha Primary Survey - School Specific Results GTnC  

Bhí bua den scoth ag foireann sinsear iomána na scoile i gcoinne Scoil Chrónáin i bPáirc an Chrócaigh Dé Luain 15 Meitheamh. Bhuadar 3.12 i gcoinne 1.08. Comhgháirdeas leis an gcaptaen Callum de Paor agus an 23 imreoir eile a d’imir ar an lá. Buíochas leis an Múinteoir Maoilíosa Ó Dubhthaigh & an Múinteoir Mícheál de Bhailís as na daltaí a thraenáil agus a bhainistiú.  

Cliceáil ar an nasc thíos leis an Nuachtlitir Scoile is déanaí a léamh: Nuachtlitir 07 Meitheamh 2026                  

An-lá go deo ag daltaí na scoile i gcomórtais lúthchleasaíochta Chumann na mBunscol i Seantraibh inniu; 5 mbonn faighte sna comórtais aonair: Chloe R6A 1ú Caitheamh Meáchan, Felix R6A 2ú Caitheamh Meáchan, Ailish R6A 2ú 600m, Robyn R6A 3ú 100m agus Max R6A 3ú Léimt Ard. agus 2ú Rás Sealaíochta Cailíní F12 agus 1ú & an Corn buaite ag Rás Sealaíochta na gCailíní F14. Comhgháirdeachas gach duine a ghlac páirt sa lúthchleasaíocht inniu  agus míle buíochas leis an Múinteoir Máirín Ní Dhubhthaigh agus an Múinteoir Maoilíosa Ó Dubhthaigh as na daltaí a réiteach do na comórtais éagsúla.

Beidh an scoil ag athoscailt don scoilbhliain 2026/2027 ar an Aoine an 28 Lúnasa 2026. Féach Féilire Scoile 2026/2027 thíos. Cliceáil anseo le hÍoslódáil:     Féilire Scoile 2026/2027

Comórtas Ealaíne Sheachtain na Gaeilge: Dhear daltaí na ranganna sóisearacha pictiuir bunaithe ar rannta agus amhráin a d’fhoghlaim siad ar scoil. Bronnadh duais beag ar an dá phictiúr ab fhearr i ngach rang. [caption id="attachment_9494" align="aligncenter" width="600"] Oscar Ó Donnabháin R2A[/caption] [caption id="attachment_9486" align="aligncenter" width="600"] Chloe Ní Mhurchú R2B[/caption] Tá na pictiúir ar fad a bhuaigh an comórtas le feiceáil faoin táb ‘Nuacht Scoile’

Dhear daltaí na ranganna sinsearacha póstaeir do na siopaí áitiúla, chun an Ghaeilge a chur chun cinn. Bhí na póstaeir ar fad ar ard-chaighdeán agus tá na póstaeir a bhuaigh an comórtas  le feiceáil i bhfuinneoga siopaí agus gnóthlachtaí logánta faoi láthair – coinnigh súil amach dóibh. Tá na póstaeir ar fad a bhuaigh an comórtas le feiceáil faoin táb 'Nuacht Scoile'  

Beannachtaí na Féile Bríde oraibh go léir! A Naomh Bríd, a Mhuire na nGael A Naomh Bríd, a Mhuire na nGael, scar orainn do bhrat A Naomh Bríd a chroí na féile, stiúr sinn ar an mbóthar ceart. A Naomh Bríd gheanúil ghrástúil, ar ár namhaid cosain sinn. A Naomh Bríd a bhean rialta álainn, ar uair ár mbáis glaoigh orainn. [caption id="attachment_9417" align="alignnone" width="525"] Lá Féile Bríde[/caption]

Beidh oíche oscailte againn ar an Luan 06/10/2025 ó 18:30 go 19:30 do thuismitheoirí nua le páistí réamhscoile ar mhaith leo eolas a fháil faoin scoil agus cuairt a thabhairt ar an bhfoirgneamh. Fáilte roimh chách! We will be holding an Open Night on Monday 06/10/2024 from 18:30 - 19:30 for parents we preschool children who would like to learn a little bit about our Gaelscoil and have a look around our school building. All are welcome.  

Osclaíodh doirse Ghaelscoil Thaobh na Coille don chéad uair ar an 1 Meán Fómhair 1995. Is cúis mór bróid dúinne, na daltaí, múinteoirí, tuismitheoirí agus lucht bainistíochta ar fad a bhí bainteach leis an scoil ó 1995 i leith agus gan a n-ionchur, a bhfís, a ndíogras agus a ndúthracht ní bheadh an scoil iontach atá againn inniu ann. Táimid ag súil le ceiliúradh mór a dhéanamh i rith na bliana ar a bhfuil bainte amach againn mar scoil sna tríocha bliana sin. Bhí lá speisialta againn do na daltaí ar an Luan - Bhí caisleáin phreabacha agus uachtar reoite againn do na páistí (agus don na múinteoirí) ar fad. Bhain gach duine an spórt agus spraoi as an lá.